Priče iz ličkog kraja: Manikenke

Nu valja se pripremit za klanje prascov.. vaj 29. samo ča ni.. sreda je naveliko pri podnevu došla, stočna placa je završila..prasci se pokupovali..pripreme navelike krenule.

Danaske iden pomoć u komšiluk baren žmare stopit. Vidila san snaju od Juke.. majke ti mile veli un kako ona dela najbolje kobasice. More i delat sa vakovim mišajama. Veli un meni još uz to kako je zel u Lidelu tucane paprike.. Eeee Juka ja ti tvoje kobasice provat neću!!!
Veli un meni, a zač moja Kate?
Prvo i prvo.. danaske mi je imendan.. a drugo .. jel tvoja snaja kupila ne gumene rukavice za jednokratno mišanje mesa za kobasice?
Veli un men: Ma ee ma ni Kate.. ki ti je vrag?
Ja nako napol bisna: Ni meni ničesa da znaš, nego molim ja tebe lipo.. rec ti meni.. ako una sa vin nafujsanin noktima zavuče ruku u meso..el si siguran el u mesu za kobasice ta tvoja tucana paprika ili va farba sa noktiju?
Un će izbečeno : Uh.. dobro si rekla.. zato san ja lani kad se kuvalo kobasice i fažol, non stop Mandi prigovaral kako mi fažol smrdi na kemiju!
A ja ću : Eto ti, vrazi te sapeli.. jadna Manda ni kriva ni dužna dobi po labrnji zbog fažola.. a snaja tuče po voj fiinoj raani.. hebe se njoj za kobasice..
Alaaa..jadna majko i žalosna..
Juka će : Bome će me čut!
Al eto ti snaje.. moj van se Juka zavukal u nu svoju suru maju..samo mu oči viridu.. ode snaja mišat meso za kobasice.. Juka projde do kotla i nastavi vatru.. 
Niš .. ničesa .. ni abera... muk.. 
Aaa neka.. ja jih jest neću, un nek se snaji pod noge podvlači..iden do Mande u kujinju pomoć joj salo izrezat..
Bože sajdi pa obajdi!
Voli Vas Vaša Kate!

Tekst: V.D.