Kate Ottozez: "Gurni ga, zaguraj, okreni mi, zakreni, sad zapri..."

Ben ti više ve pametne ča nas svaki dan bonbadiraju s vin pametin stvarima kako uštedit, kako ne izgubit, kako potrošit, a da nisi potrošil, pa kako ilo i pilo spremit ?
Dakle vako da rasčitin to za vaj put.. provala san nekakove stvari i niš od tog. Kako je jutra subota i dan za rifljanje, glancanje, tenfanje..i kad to smiriš ..okreneš se kaj da niš nije ni bilo, ni da si ča god delal ..dobro sad.. to nema veze.. dakle iman stare robe ki niki neće.. a more se još drljat, fala Bogu.. Proć ću u naj Cozmo jer mi je najbliži..zet najeftiniji prašak za ve čeripe..eee unda proć u vu trgovinu ka mi je uz kuću i zet kilu papra i to nog u prahu..
Velidu da taj prašak i puder papar lipo pomišat..ostavit zajedno da stuji dok vrgneš veš u mašinu..valja je to dost..dok prebereš gaće,potkušulje i ne ručnike kaj šmirgl.. eee..unda lipo zapreš vrata od ve ča je liva i desna ruka kad oćeš baren na školjku sest na miru da te niki ne sabire, mislin na veš mašinu.. nu da vidim di san stala...aha.. dakle obrneš na lipu temperaturu od 40 ill zericu više..u naj utor vrgneš vu mješavinu..i aj haj uživaj koko!
Mislin trebalo bi i ušćekat vu mašinu.. daklen..ja ću to lipo jutra smišat i javin van kakov će veš izać.. ako bude nako kako ja sad mislin, hebalo majci ako ne išćekan i vaj internet i veš mašinu!
Javin se jutra.. ugodan vikend Van želin.. Vaša Kate!

Tekst/slika: V.D.