Lička priča o ličkoj noći u Zagrebu

Ma znate ča narode moj, vi ki na takove vičere ne grete,pojma nemate ča propušćate. Je al zato mi ki gremo svašta čujemo i vidimo.

Znaš kako je kad se najdeš med svojim narodom pa raspredeš od iljadu i neke pa do danas. Rođo moj,čuješ koječega, pa se i križaš kad ti ča novo il klimlješ glavom ako si to već kadi čul.

Ma onda malo vidiš i taj narod,kako ki izgljeda jel se ki stesal il sprasil, ča je ki obukal, pogotovo mi šenske, je pa znate kako je,nu da li? E onda pratiš i ki je s kim došal. Ovi redoviti svake godine više nisu ni interesantni po pitanju toga,al kad dojde "novo" lice,ajme čuda,vičera odma slaja. Je pa nu recite da ni tako? Odma šuškanja "Kaj je vaj? S kim je došal? Nu nu odi preispitaj pa mi reci!"

E i tako,al ča sati odmičedu, flašice praznidu, više niš ni bitno nego pustit brigu na veselje.
I vi i oni i vaj i naj svi smo svoji! Pisma, jilo, pilo, ples, šale i eto ti prela kakovo samo moreš poželit.

E tako dragi naš narode,bila sam i ja tamo i dovukla sa sobom još malo našega naroda i da znate da nam bilo milina. Valja se nismo nikome zamirili, a ako i jesmo ča sad, bilo pa prošlo.

Članovima ZK Stajnica koji su sve to organizirali sve pohvale i ča reć nego nako po domaći: Vidimo se ko Bog da i dogodine! 

P.S. Uskoro i više slik, kad preberemo ča je za javnost, a ča za privatnost!